Eu fun, eu son, eu serei!

Eu fun, eu son, eu serei!

            A vossa orde está construída sobre areia, sentenciara fai mais dum cento de anos a grande revolucionária e dirigente do KPD Rosa Luxemburgo, quem é sempre relembrada e homenageada cada janeiro na cidade de Berlim. A data da homenagem coincide co aniversário do assassinato de Rosa e do seu companheiro Karl Liebknecht, a mans de sicários da extrema dereita ás ordes da República de Weimar, um 15 de janeiro de 2019.

 

            O diario "junge Welt" (Mundo Novo) é a entidade que impulsa o meirande encontro de movementos  marxistas e de esquerdas de todos os países de fala alemá, que este ano superou a cifra das 3.000 participantes. Em edicions anteriores falaron, em consecuéncia, persoeiros do talhe de  Tariq Ali, Elmar Altvater, Noam Chomsky, Angela Davis, Denis Goldberg, Hans Heinz Holz, Alfred Hrdlicka, Oskar Lafontaine, Achille Mbembe, Abel Prieto, Ignacio Ramonet, Mesale Tolu  e Moshe Zuckermann.

 

            Baixo o paraugas dos lemas "O poder á rúa – Loita polo futuro – Responder a pregunta sobre o sistema" presentouse um completo programa a XXV. Ediciom da Conferéncia Internacional Rosa Luxemburgo, o 11 de janeiro, no Hotel berlinés MOA onde relataron e discutiron intelectuais, políticas, cientistas e artistas de Europa, USA, Latinoamérica e do Oriente Próximo nom somentes em alemán, mais inglés, castelhano e turco.

 

            Apuntouse o foco em especial aos movementos actuais de protesta sociais e políticos, como no caso da resisténcia ao golpe de estado em Bolívia. Ulrich Schneider, presidente da Federaciom alemá de Associacions pola Paridade do sector sanitário ("Der paritätische Gesamtverband") participou da táboa redonda arredor das refuxiadas, a migraciom e a loita de classes. Assim mesmo, estiveron presentes mais tarde a avogada israelita Lea Tsemel, Tory Russell do movimento antiracista Black-Lives-Matter, a sindicalista colombiana Luz Díaz e, como convidado estrela, o director do jornal "Juventud Rebelde" membro do Conselho de Estado, o cubano Yoerky Sánchez Cuéllar. A parte musical estivo dirixida por artistas alemáns e internationais como o cantautor libanés Marcel Khalifa. Pola súa banda, os actores Rolf Becker e Hannes Zerbe trouxeron ao escenario a traxédia das refuxiadas no Mediterráneo a través da obra "A balsa da Medusa – Requiem polo Che Guevara".

 

            Merece tambén especial atenciom o trabalho da assembleia do BNG em Alemanha, o que permitiu a presencia da Galiza durante a Conferéncia Internacional, como única organizaciom da península ibérica a patrocinar (xunto com outros 30 grupos) este encontro da esquerda militante. O prato forte aportouno a publicaciom e ampla distribuciom dum voceiro local em alemán, para mencionar uma entrevista a Ana Miranda, europarlamentar, como a história do sindicalismo galego de classe, a criminalizaciom polo aparelho xudicial do estado espanhol de Causa Galiza, assim como da opiniom que o BNG mantén ante certas cuestions de actualidade na política alemana, caso da nova lei de arrendos de Berlim. Aliás, as estreleiras ondearon o domingo 12 na tradicional marcha com destino no cemitério dos Socialistas, xunto com outras 20.000  manifestantes, que depositaron numerosos caraveis vermelhos no memorial. A presencia policial foi notábel.

Eu fun, eu son, eu serei!