Chamamos á diáspora a votar masivamente polo BNG

A través dunha intensa campaña nas redes, alertan da importancia do voto da emigración, que podería ser determinante

Chamamos á diáspora a votar masivamente polo BNG

Praga, 19 abril 2019. Estamos no ecuador da campaña electoral para as Xerais que tamén se está a vivir intensamente na Asemblea da Emigración. Desde o pasado mes de marzo, nun esforzo coordinativo sen precedentes, estamos a desenvolver unha campaña a través das nosas redes, informando dos pasos e prazos do voto desde o exterior, animando á participación e incidindo no peso específico da emigración, que pode ser determinante para recuperarmos a voz no Congreso e consolidar o escano en Europa.

Un traballo en equipo entre as asembleas e coordinadoras de Alemaña, Asturies, Chequia, Catalunya, Arxentina, Suíza, Estados Unidos de América, Portugal, Francia e outras, onde a través da redes e dos nosos contactos no terreo, trasladamos a importancia de que o noso País conte con voz propia, sen dependencias, no Congreso e no Parlamento Europeo, como única garantía de que os nosos problemas e as nosas aspiracións como pobo van ser escoitadas.

IMG_8167 copy

Para visualizar o apoio da diáspora ao BNG pedimos a colaboración de todas as persoas que nos apoian polo mundo adiante compartindo foto nas redes co cancelo #AEmigraciónCoBNG, publicarase un álbum con todas as imaxes recibidas.

Por último facemos un chamamento a todas aquelas persoas que tiveron que emigrar a votar masivamente polo BNG nos vindeiros comicios ás Cortes Xerais e ao Parlamento Europeo.
O voto que vale por dous, para frear ás dereitas e para dar voz ao noso País.

Se o BNG está, Galiza está!!

circular copy

comentarios